Seeing What's Hidden: Uncovering Ireland's Ancient Ways of Knowing le Manchán Mangan - Leabhar

Seeing What's Hidden: Uncovering Ireland's Ancient Ways of Knowing le Manchán Mangan - Leabhar

Ina leabhar deireanach, impíonn Manchán Magan orainn – tugann sé dúshlán dúinn, fiú – bogadh ón saol teoranta réasúnach chuig saol spioradálta atá níos fairsinge. Ár n-iontas faoin saol a mhúscailt arís. A thuiscint go bhfuil bealaí eile ann le rudaí a fheiceáil, bealaí eile le heolas a fháil, agus an ceangal atá idir gach uile ní a thabhairt chun solais.

Fiosraíonn Manchán an chaoi a bhfuil macallaí doimhne de dhearcthaí dúchasacha eile ar an domhan fós le brath i seanchultúr na hÉireann – bealach le talamh, teanga, nádúr agus spiorad a thuiscint mar nithe atá fite fuaite ina chéile agus nach féidir a scaradh óna chéile.

Ag tarraingt ar an miotaseolaíocht, ar an tseandlí, ar an mbéaloideas agus ar logainmneacha, rianaíonn Manchán an chaoi ar mhúnlaigh foraoisí, crainn naofa agus tírdhreacha na hÉireann meon na nÉireannach le teacht aniar chomh láidir sin go maireann cuid mhór de na creidimh agus de na nósanna sin go dtí an lá atá inniu ann.

In Seeing What’s Hidden, impíonn Manchán orainn breathnú as an nua, ionas go bhféadfaimisne freisin ár n-oidhreacht chultúrtha a athaimsiú agus ár mbealach chun cinn as seo amach a aimsiú.