An Slipéar Gloine (Cinderella) - Leabhar

“Bhí Luaithrín ina suí go moch,

Ag glanadh an tí, an cailín bocht.

Ag obair léi ó dhubh go dubh,

Gan cuideachta aici ach cúpla luch.”

Tá Damhsa Mór le bheith ar siúl i bPálás an Rí, ach cuireann a leasmháthair chruálach cosc ar Luaithrín freastal air. Faoi smacht Camilla agus a beirt iníon, Straoisín agus Smaoisín, bíonn Luaithrín ag streachailt le hobair agus le heaspa cineáltais.

Athinsint bheoga ar an seanscéal atá anseo, lán de rím, de rithim agus de dhraíocht. Tugann Fearghas Mac Lochlainn, cumadóir ildhuaisithe, léamh úr greannmhar ar scéal an chailín chroíúil dhícheallach. Cuireann léaráidí fuinniúla Paddy Donnelly leis an ngreann agus leis an atmaisféar draíochta sa leagan véarsaíochta seo.

Cruthaíonn an t-údar gluaiseacht agus ceol sa teanga a thugann beatha nua do scéal Luaithrín.

Ar fáil freisin:

• Na Trí Mhuicín – Áine Ní Ghlinn & Paddy Donnelly
• Puisín na mBróg – Fearghas Mac Lochlainn & Paddy Donnelly